XX.

Ez dizut mihia ahoan

sartu nahi

—abiatua nauzu, lizundua—

ez bada nirekiko harridurak

zabaldua

Aunitz dut nire kontra

gaitasun galduak narama

ezezkora

guttienez zalantzara

Baina jakin

—ezagutuko nauzu pixkanaka—

ez didala goiz edo aho argiak

bizipoza pizten

pozaren izuak baizik

Jakin

maite zaitudala

entendimendutik at bila

zaitudanean

eta bila eta bila eta bila

zalantzak didalako goiza —edo argia— pizten