XII.

Amerikanoinean

lagunen zapata hotsak urrutitik

sumatzen nituen gelara noa.

Aulki ttikiak, arbela handia

leihoaren bertze aldean, espazioa

itzuli naiz, bazatozte

Arkatzari punta ateratzea

iraultzaren hasiera zen hemen

papertxoak botatzea, jarraitzea

buruarekin erregelak puskatzea, ailegatzea

Matematikaren gauaren lerian,

multzoak, azpimultzoak

egiak, egia osoak, egiak ez bertzerik

begi bat itxi, mihia kanpora

eta irriak eta orriak

Gortinen atzean ezkontzen ginen

eskailerak ipurdika jaitsi

nola jakin etorkizuna idazten ari ginela

itzuli naiz, bazatozte

Lagunen zapata hotsak urrutikoak dira

baina beti bazatozte

eta itzuli naiz gela honetara

alabaren margoen planetara

Non aurkituko dituzue nire begirada galduak