I.

Kintoan pagoen hostoak

honetaz eta hartaz ari dira,

beldurrari mintzatu

behar zaiola jakitun

Fresko dator udaberria

belarrarekin goiti,

sagarra jan ondorengo

ahoa dakar

Soro gainak bazka garbiak

gurutzatzen dira bideak

bidaideak

Gurutzatzen dira goseak

gogoak, behe-lainoak

bibote eta bekain xuriak

belagietan, begietan

Bziiiii bziiiii inguruan

euli buruarin tantiruria

orain harat, orain honat

orain azalean pausatua

eskuak igurtzi eta igurtzi

Baina barka, agudoegi ari natzaizu

ez nazazu gaizki har, ni nauzu

beldurraz mintzo natorkizuna