XV.
Hitzak
erraietatik goiti
zintzurrean arrastaka
ahora
ahoan
hainbertze desiratutakoen ttuaz
zipriztinduak
erotismoak erotik gehiago duela
arrazoiak arratik gehiago duenean
Hitzak
arratsaldeko hiru eta erdietan
Mentako terrazan edo Cafe La Habanan
hainbertze maitatutakoen haserreak
denborarekin
denboran bidaiatzeko
arrazoi bilakatuak
Hitzak
maitasuna eta denbora
behar dituelako
ahots propioa izan dezan.
Egia kanpoko inoren inolako
eraginik gabe
adierazten ikas dezan
Halakoetan hitz egin baino
hitzak eginen dituzu.
Hitzak eraiki katedralen
moduan
zure
aldez
zure
moldez
zure
hatsez
zure
ahotsez
[ebook-a jaitsi]